د سمنګان ولایت د مقام د سړک د جوړولو پروژې له چارو څارنه وشوه
۱۴۴۷/۰۶/۲۷
د سمنګان ولایت د مقام د سړک د اعمار پروژه د چارو د چټک پرمختګ په حال کې ده او تر دې مهاله شاوخوا ۸۰ سلنه بشپړه شوې ده.
یاده پروژه د سمنګان ولایت د محترمې ښاروالۍ له خوا تطبیقېږي، د کور او ښار جوړولو ریاست یې تخنیکي نظارت او مراقبت کوي چې دا سړک د سمنګان ولایت د مقام په ساحه کې موقعیت لري او د ښاري ترانسپورتي اسانتیاوو د ښه والي په موخه جوړېږي.
ښاغلي رئیس وویل، د پروژې چارې تر اوسه په منظم ډول روانې دي او هڅه کېږي چې پاتې کارونه هم د نقشې، تخنیکي معیارونو او ټاکلي مهالوېش مطابق بشپړ شي.
د سمنګان ولایت د مقام د سړک د اعمار پروژه د ښار د مهمو زیربنایي پروژو څخه ده، چې موخه یې د ښاري تګ راتګ اسانتیا، د ادارو ترمنځ د لارې معیاري کول او د خلکو لپاره د خوندي ترانسپورتي چاپېریال رامنځته کول دي، د کور او ښار جوړولو ریاست د دې پروژې دوامداره تخنیکي څارنه کوي، تر څو چارې په اصولي، معیاري او دوامدار ډول سرته ورسېږي.
