د کابل - بګرام عمومي سړک د نقشې ډیزاین د لا ښه کولو لپاره نظرونه تبادله شول
۱۲/۰۶/۱۴۴۷
د کور او ښار جوړولو وزارت د ښاري چارو محترم مرستیال شیخ مدار علي کریمي بامیاني په مشرۍ غونډه کې، چې په کې د ټولګټو، ترانسپورت او ملکی هوايي چلند، مخابراتو او معلوماتي ټکنالوژۍ وزارتونو، کابل ښاروالۍ، د ښاري اوبو او فاضلابو عمومی ریاست او برشنا شرکت استازو هم ګډون درلود، د کابل بګرام عمومي سړک باندې بحثونه وشول.
د کابل - بګرام عمومي سړک د نقشې ډیزاین د کور او ښار جوړولو وزارت اړوند برخو لخوا ترتیب شوی دی.
د ښاري چارو محترم مرستیال شیخ مدارعلي کریمي بامیاني وویل، د ا.ا.ا اساسي هدف د هېواد اقتصادي وده ده، نو له همدې امله د ښاري زیربناوو جوړولو باندې چې د اقتصادي پرمختګ بنسټ ګڼل کېږي، تمرکز شوی دی.
نوموړي زیاته کړه، د نوي کابل ښار پروژه د ملي مهمو پروژو له جملې څخه ده او عمومي سړک یې د ښار یوه اساسي نقطه ګڼل کېږي، چې باید په سمه توګه ډیزاین او تطبیق شي.
محترم بامیاني هیله څرګنده کړه چې د اړونده ادارو استازو مسلکي نظریات به د نقشې د غنامندۍ په لوړولو کې مهم رول ولوبوي.
په غونډه کې د کور او ښار جوړولو وزارت انجینرانو چې د کابل-بګرام عمومي سړک ډیزاین یې کړی، د نقشې په اړه تفصیلي معلومات وړاندې کړل او د تخنیکي جزئیاتو په اړه یې وضاحت ورکړ.
د ګډونوالو ادارو استازو خپل تخنیکي او مسلکي نظریات او وړاندیزونه شریک کړل، څو د دې سړک ډیزاین هر اړخیز پرمختګ وکړي.
په پای کې، د کور او ښار جوړولو وزارت د ښاري چارو مرستیال وویل، د کابل-بګرام سړک د نقشې ډیزاین په ټولیزه توګه د تایید وړ دی، خو د اړوندو وزارتونو او ادارو تخنیکي نظریات به یې لا غني او ګټور کړي، ترڅو چمتو او عملي شي.
