په ترینکوټ ښار کې د استوګنیزو سیمو د تخلفاتو د مخنیوي پراخ نظارت ترسره شو
۱۴۴۷/۰۶/۱۰
د ارزګان ولایت د کور او ښار جوړولو ریاست محترم رئیس ملا روحالله ابو احمد وايي د دې ریاست اړوند د ښاري تخلفاتو د مخنیوي ټیم د مرکز ترینکوټ اړوند ټولو ناحیو څخه د ښاري سرغړونو د مخنیوي په موخه ګډ نظارت ترسره کړ.
په ورته وخت کې، د کور او ښار جوړولو وزارت د ښاري سرغړونو د مخنیوي ریاست محترم رئیس انجنیر احمد جاهد شهاب لېوال د یادو ساحو د تخنیکي ارزونې په اړه څرګنده کړه چې په څلورمې ناحیې کې، د سردار محمد داود خان د تفصیلي پلان په دوه استوګنیزو نمرو کې د سوداګریزو هټیو د جوړېدو هڅه روانه وه، چې دا کار د ښار د پلان او مقرراتو خلاف عمل و.
دغه راز، د کور او ښار جوړولو وزارت د ښاري سرغړونو د مخنیوي ریاست عمومي رئیس مولوي عبدالمنان حقاني ټینګار کوي چې استوکنیزې نمرې باید یوازې د استوګنې لپاره وکارول شي او سوداګریز فعالیتونه دې په ټاکلو سوداګریزو ساحو کې ترسره شي.
ملا روح الله ابو احمد وایي، تخلف کوونکو ته رسمي هدایت ورکړل شو او ښاریانو ته د ښار د پلانونو، شنو ساحو، سوداګریزو ساحو او استوګنیزو ساحو په اړه لازم معلومات وړاندې شول، ترڅو یې په اړه عامه پوهاوی شوی وي.
نوموړی وایي، دغه راز د کور او ښار جوړولو وزارت د طرزالعمل مطابق ښاري لارښونې هم عامو خلکو ته ترسره شوې.
پلازمېنه کابل کې، د ښاري تخلفاتو د مخنیوي ریاست محترم رئیس انجنیر احمد جاهد شهاب لېوال وایي، د قانون خلاف جوړونو مخنیوی کوي او ښاریانو ته د ښار د پلان په اړه هراړخیزې لارښونې کوي، ترڅو خپلې ودانۍ او ودانیزې چارې د منل شوي پلان سره سم ترسره کړي او له ښاري بې نظمیو ډډه وکړي.
