په جوزجان ولایت کې د سونا حمام ودانۍ د ودانیزو چارو څارنه وشوه
۱۴۴۷/۰۵/۲۲
د جوزجان ولایت د کور او ښار جوړولو ریاست تخنیکي ټیم د ښاروالۍ د سونا حمام ودانۍ د ودانیزو چارو څارنه تر سره کړه. د څارنې په جریان کې د خښتو کار، د جاینتونو جوړول او د سونا حمام د هنگر نصب چارې وکتل شوې.
ښاغلي ملا فیضان وویل، د ودانیزو چارو د کیفیت ډاډ ترلاسه کولو لپاره د شرکت مسؤلینو ته سپارښتنه وشوه چې ټول کارونه د نقشې، د احجامو په براورد، د تدارکاتو شرطنامه او د انجینري او مهندسي معیارونو سره سم ترسره شي.
سونا حمام د ښاروالۍ یوه مهمه ودانۍ ده چې د خلکو د خدماتو لپاره جوړیږي. د کور او ښار جوړولو ریاست د تخنیکي څارنې له لارې ډاډ ترلاسه کوي چې ودانیز کارونه د معیارونو سره سم پرمخ وړل کېږي، او د پروژې موثریت او کیفیت په لوړ سطح کې وساتل شي.
