په هرات ولایت کې د مسجد شریف له ودانیزو چارو څارنه وشوه
۱۴۴۷/۰۵/۱۵
د هرات ولایت د کور او ښار جوړولو ریاست محترم رئیس انجنیر عبدالله اکبري وایي، د دې ریاست اړوند تخنیکي ټیم د تورغونډۍ ګمرک د مسجد شریف د ودانیزو چارو څخه څارنه وکړه.
ښاغلي انجنیري اکبري وویل، د مسجد د دیوالونو د سنګ کارۍ چارې د نقشی او تخنیکي مشخصاتو مطابق پر مخ روانې دي او د لوړ کیفیت لرونکي ډبرې په کار اچول شوې دي. همدارنګه، تحنیکي ټیم د قراردادي شرکت مسؤل ته د ملات (سمنت او شږې) د ترکیب د پیاوړتیا لپاره لازم هدایتونه ورکړل، څو د ودانۍ مقاومت او دوام لوړ شي.
د کور او ښار جوړولو وزارت د هېواد په بېلابېلو ولایتونو کې د دیني، عامه او ټولنیزو تاسیساتو د معیاري جوړولو او ترمیم چارې پرمخ وړي، څو ټولې پروژې د تخنیکي معیارونو مطابق او د دوامدارې ودې په موخه بشپړې شي.
