په ختیځ زون کې د کارکوونکو د ظرفیت لوړونې پنځه ورځنی ورکشاپ پیل شو
۱۴۴۷/۰۵/۱۱
د کور او ښار جوړولو وزارت د کارکوونکو د چارو ریاست محترم رئیس مولوي عبدالولي ارکاني وایي، د ختیځ زون ولایتونو (ننګرهار، لغمان، کنړ او نورستان) د کارکوونکو د ظرفیت لوړونې پنځه ورځنی ورکشاپ په جلالاباد ښار کې پیل شو.
دا ورکشاپ د یاد ولایت د کور او ښار جوړولو ریاست دد محترم رئیس حافظ مولوي محمد نبي سعیدي او د سیندونو د حوزې د محترم رئیس په شتون کې د تخنیکي سروې، د غیرپلاني ساحو د پراختیایي پلان جوړولو، د ودانیو د ډیزاین، د کارکوونکو د ارزونې او د استخدام د پروسې تر عنوان لاندې پرانیستل شو.
د ورکشاپ موخه د وزارت د فني او اداري کارکوونکو مسلکي مهارتونه لوړول، د ښاري پرمختګ پلانونو منظمول، او د استخدام او ارزونې پروسې ته شفافیت ورکول بلل کېږي.
یاد ورکشاپ د غیرپلاني ساحو د تنظیم او انکشاف ریاست، د سروې او GIS ریاست، او د مهندسۍ او انجنیرۍ نظام د طرحو او مقرراتو ریاست په تخنیکي همکارۍ پیل شوی دی.
د دغه پروګرام موخه د ښار جوړولو په برخه کې د کارکوونکو مسلکي وړتیا لوړول او د ښاري خدمتونو د کیفیت ښه والی دی.
