په کندهار کې د درملو او محصولاتو د کیفیت لابراتوار د ودانۍ له چارو څارنه ترسره شوه
۱۴۴۷/۰۴/۱۴
د کندهار ولایت د کور او ښار جوړولو ریاست اړوند تخنیکي ټیم د درملو او محصولاتو د کیفیت لابراتوار د ودانۍ له ودانیزو چارو څخه لیدنه وکړه.
د کندهار ولایت د کور او ښار جوړولو ریاست محترم رئیس مولوي عبدالمتین سعید وویل، د څارنې پر مهال څرګنده شوه چې د ودانۍ د لومړي منزل خښتکاري او د اطاقونو پرکاري د بولډر په وسیله د مشخصاتو سره سم پرمخ روانې دي.
هغه زیاته کړه چې اړوند قراردادي شرکت ته لارښوونه وشوه تر څو ټول کارونه د انجینري نورمونو، نقشې او د جدول برآورد (BoQ) مطابق پرمخ یوسي.
په کندهار کې د کور او ښار جوړولو ریاست د دولتي او عامه ودانیو د معیاري اعمار د ډاډ لپاره وخت په وخت د پروژو څارنې او تخنیکي ارزونې ترسره کوي.
