په کندهار کې د استناف څارنوالۍ له ودانیزو چارو څارنه وشوه
۱۴۴۷/۰۴/۰۶
د کندهار ولایت د کور او ښار جوړولو ریاست محترم رئیس مولوي عبدالمتین سعید وایي چې د دې ریاست اړوند تخنیکي ټیم د کندهار ښار د عینومینې په سیمه کې د استناف څارنوالۍ د ودانۍ له پروژې څخه څارنه وکړه.
ښاغلي مولوي سعید وویل، د ودانۍ دوهم منزل داخلي او خارجي رنګمالي کارونه روان دي، همدارنګه د ودانۍ د باندنیو ځینو ودبغلونو سنګکاري او د رمپونو سنګکاري بشپړ شوي دي، چې د کارونو پرمختګ تر اوسه %87 ته رسېدلی دی.
د نوموړي په خبره، د داخلي رنګمالۍ سطحه په بشپړه توګه صافه نه وه، د ساحې کاري ټیمونه لږ وو او کار د قرارداد له معیار سره په کراره پرمخ روان و.
د یادولو وړ ده، د کندهار د استناف څارنوالۍ ودانۍ د عدلي او قضایي خدمتونو د ښه والي او اسانتیا لپاره یوه مهمه پروژه ده چې بشپړېدل به یې د ولایت عدلي جوړښت پیاوړی کړي.
