د هرات په ښار کې د ستر جامع مسجد شریف له ترمیمي چارو څارنه وشوه
۱۴۴۷/۳/۲۱
هرات ولایت کې د کور او ښار جوړولو ریاست محترم رئیس انجنیر عبدالله اکبري وایي، د ریاست اړوند تخنیکي ټیم یې په دغه ولایت کې د ستر جامع مسجد شریف له ترمیمي چارو څارنه وکړه.
ښاغلی انجنیر اکبري وایي، دمګړۍ هلته ځینې ترمیمي چارې روانې دي چې یو شمېر یې بشپړې شوې هم دي.
نوموړی وایي، له مسجد شریف څخه تر د پارک ساحې پورې د مسجد په ختیځه برخه کې د فاضله اوبو د اېستلو د کانال چارې بشپړې شوي دي، اما د شمالي برخې د کاشي کارۍ چارې لا دوام لري.
د خښتو ترمنځ د هنګاف چارې او د لوېدیځې برخې مرمت کاري هغه څه دي چې لا یې چارې بشپړې شوي نه دي او تکملېدو ته نږدې شوې دي.
د کور او ښار جوړولو وزارت د ودانیزو پروژو له چارو څارنه کوي، تر څو چارې د نقشې او شرطپاڼې مطابق سرته ورسېږي.
