په کندهار کې د پیښو په وړاندې د مبارزې ریاست د اداري تعمیر ودانیزې چارې و څارل شوې
۱۴۴۷/۰۳/۰۹
د کندهار ولایت د کور او ښا جوړولو ریاست محترم رئیس مولوي عبدالمتین سعیدي وایي، د دې ریاست اړوند تخننیکي ټيم په عینو مینه کې د پیښو پر وړاندې د مبارزې ریاست د اداري تعمیر له ودانیزو چارو څارنه وکړه.
ښاغلي مولوي سعیدي وویل، چې په اوس مهال کې د ودانۍ د تهکوي دیوالونو داخلي پلاسترکاري او د دوهم پوړ دخونو خشتکارۍ چارې روانې دي.
د نوموړي په خبره، چې ځینې نیمګړتیاوې شتون لري؛ د چت او کالمانو لپاره منظمې اوبه ندي ور کړل شوي، نو له همدې امله، ساحوي انجنیر ته هدایت وشو څو یادې ستونزې سمدستي اصلاح کړي، کالمان د ترپال لاندې خوندي کړي او دوامداره اوبه ورکړي.
د یادولو وړ ده، چې د پیښو په وړاندې د مبارزې ریاست د ودانۍ پروژه د کندهار په عینو مېنه سیمه کې موقعیت لري او موخه یې د ادارې لپاره د یو معیاري ودانۍ رامنځته کول دي.
