په میمنه کې د سوپرمارکېټ د اعمار پروژې د کار بهیر وڅارل شو
۱۴۴۷/۳/۲
د فاریاب ولایت د کور او ښار جوړولو ریاست محترم رئیس الحاج مولوي خالمیرزا ذوالفقاروایي، د خپلې تخنیکي ډلې په ملتیا د میمنې ښار د پنځمې ناحیې د تجارتي سوپرمارکېټ د اعمار له پروژې څخه څارنه وکړه.
ښاغلي مولوي ذوالفقار وویل، د څارنې پر مهال څرګنده شوه چې د یادې پروژې کارونه د نقشي او انجنیري معیارونو سره سم پرمخ وړل کېږي او دغه څارنه د فاریاب ولایت مقام د نظارتي هیئت په حضور کې ترسره شوه.
د نوموړي په خبره، قراردادي شرکت ته سپارښتنه وشوه چې د پروژې ټول پاتې چارې د انجنیري معیارونو پر بنسټ پر وخت بشپړې کړي او د کار په سرعت کې لا زیاتوالی راولي.
د یادولو وړ ده، د پنځمې ناحیې د سوداګریزسوپرمارکېټ پروژه د میمنې ښار د سوداګریزو خدمتونو د پیاوړتیا او د ښاریانو د اړتیاوو د پوره کولو په موخه عملي کېږي.
