د کابل ښار دویمه ناحیه کې د ښاري سرغړونو پر وړاندې څارنه ترسره شوه
۱۴۴۷/۰۲/۱۸
د کور او ښار جوړولو وزارت د ښاري سرغړونو ریاست محترم رئیس مولوي عبدالمنان حقاني وایي، د ښاري سرغړونو تخنیکي ټیم د خپلو پرله پسې فعالیتونو په لړ کې د کابل ښار دویمه ناحیه کې (له ده افغانانو څخه تر د قوای مرکز درې لارې پورې) سیمې پورې د کابل د ماسټر پلان یا د ښار د عمومي ډیزاین چوکاټ له مخې څارنه وکړه.
ښاغلي مولوي حقاني وویل، دغه نظارت د ماسټر پلان په چوکاټ کې د کارونې د مخلوط او لوړپوړو ودانیو سیمو باندې ترسره شو، چې په یاده سیمه کې چې پخوانی کابل او غیر پلان شوې ساحې هم پکې شاملې وې، هیڅ ډول ښاري سرغړونه ونه موندل شوه.
د نوموړي په خبره، د دې څارنې اصلي موخه د کابل د ماسټر پلان د سم تطبیق ډاډ ترلاسه کول دي، څو د ښار پراختیا د پلان سره سم او د ښاري اصولو پر بنسټ پر مخ ولاړه شي.
د یادولو ده، د ښاري اصولو رعایت نه یوازې د ښاري چاپېریال خونديتوب لپاره مهم دی، بلکې د ښار د اوسېدونکو د ژوند کیفیت لوړولو کې هم ستر رول لري.
