په میدان وردک کې د پوهنتون د سړک له چارو څارنه وشوه
۱۴۴۷/۰۲/۱۵
د میدان وردک ولایت د کور او ښار جوړولو ریاست محترم رئیس مولوي عبدالقیوم سیف العمر وایي، د دې ریاست د تخنیکي ټيم لخوا د میدان وردک پوهنتون د سړک او سیلبر له چارو څارنه وشوه.
ښاغلي مولوي سیف العمر وویل، د سړک پر سر د کرښو رنګمالۍ، د سړک غاړو ته د اوسپنیزو پایو نصب، د سړک د جدولونو د رنګمالۍ، د ګلدانونو ترتیب او تنظیم، د پلې لارو د فرش او نورې چارې روانې وې.
د نوموړي په خبره، د قراردادي شرکت مسؤلینو ته لازمې لارښوونې وشوې، تر څو چارې د نقشې مطابق په ټاکلي وخت تر سره کړي
