په بغلان ولایت کې د کډوالو د ښار ګوټي توپوګرافي سروې تر سره شوه
۱۴۴۶/۱۲/۲۶
د کور او ښار جوړولو وزارت د سروې او جي ای ایس ریاست محترم رئیس حافظ انجنیر حافظ محمد یوسف لطیف وایي، تخنیکي ټیم یې په بغلان ولایت د کډوالو د ښار ګوټي لپاره توپوګرافي سره تر سره کړه.
ښاغلي انجنیر لطیف وویل، د بغلان ولایت په مرکزي بغلان ولسوالۍ کې د کډوالو او بیرته راستنیدونکو لپاره (2628.95) جریبه ځمکه توپوګرافي سروې شوه.
د نوموړي په خبره، دغه سروې به د هغو تخنیکي معلوماتو راټولولو ته زمینه برابره کړي چې د کډوالو د ښار کوټي تفصیلي پلان جوړولو، پراختیایي خدماتو او بنسټیزو تأسیساتو لپاره اړین دي.
ټاکل شوې ده چې د سروې پایلې به په وزارت کې له اړوندو ریاستونو سره شریکې شي، څو یې پر بنسټ د کډوالو د ښار ګوټي لپاره یو مناسب، منظم او د اړتیاوو مطابق تفصیلي پلان جوړ کړي.
