د غزني ولایت آب بند ولسوالۍ کې د مسجد ودانیزې چارې د تخنیکي څارنې لاندې دي
۱۴۴۶/۱۲/۸
غزني ولایت کې د کور او ښار جوړولو ریاست محترم رئیس مولوي نور ولي بلال متقي وایي، د ودانیزو چارو انجنیر ښاغلي نجیبالله نجیب له لوري، د آب بند ولسوالۍ اړوند د جوړېدونکي مسجد چارې تر دوامداره تخنیکي څار لاندې دي.
ښاغلی مولوي متقي وایي، یاد مسجد د ټولګټو چارو وزارت له خوا تمویلېږي، چې رغنیزې چارې یې د انجنیري اصولو مطابق پر مخ روانې دي.
نوموړی ډاډمن دی، چې یادې رغنیزې چارې به د نقشو، ساختماني اصولو او شرعي لارښوونو مطابق بشپړې شي.
د کور او ښار جوړولو وزارت ژمن دی، چې پروژې له نږدې وڅاري او د کیفیت تضمین ته پوره پاملرنه وکړي، هغه څه چې د افغانستان راتلونکی ورپورې تړاو لري.
