د پکتیکا په جنوب شرق کې د ښاري سرغړونو مخنیوی وشو
۱۴۴۶/۱۱/۱۶
د کور او ښار جوړولو وزارت، له ښاري تخلفاتو د مخنیوي ریاست محترم رئیس مولوي عبدالمنان حقاني وایي، د ریاست اړوند تخنیکي ټیم یې پکتیکا کې د کور او ښار جوړولو ریاست محترم رئیس مولوي محمد طاهر سیف الجهاد په همکارۍ او لارښوونه د دغه ولایت په جنوب شرق ښار ګوټې کې له ښاري تخلفاتو د مخنیوي په موخه څارنه وکړه.
ښاغلي مولوي حقاني لیکلي، په جنوب شرق ښار ګوټي کې د تفصیلي پلان خلاف په سوداګریزه ساحه کې د شخص لخوا د سرای جوړولو لپاره خط اچونه تر سره شوې او کندنکاري روانه وه چې مخنیوی یې وشو.
د کور او ښار جوړولو وزارت هڅې پیل کړي، چې په ټول افغانستان کې له ښاري تخلفاتو مخنیوی وکړي او ښارونه په منظمه توګه وده او پراختیا پیدا کړي.
