په پکتیکا کې د ښاري سرغړونو مخنیوی وشو
۱۴۴۶/۱۱/۱۵
د کور او ښار جوړولو وزارت، له ښاري تخلفاتو د مخنیوي ریاست محترم رئیس مولوي عبدالمنان حقاني په رالېږلو معلوماتو کې لیکلي، د ریاست اړوند تخنیکي ټیم یې پکتیکا کې د کور او ښار جوړولو ریاست محترم رئیس مولوي محمد طاهر سیف الجهاد په همکارۍ او لارښوونه د دغه ولایت د غزني په مسیر له ښاري تخلفاتو د مخنیوي په موخه څارنه وکړه.
ښاغلي مولوي حقاني لیکلي، په مرکز ښرنه کې د غزني په مسیر د تفصیلي پلان په خلاف په شنه ساحه کې په خپل سر استوکنیز کورونه جوړیدل چې مخنیوی یې وشو.
د کور او ښار جوړولو وزارت هڅې پیل کړي، چې په ټول افغانستان کې له ښاري تخلفاتو مخنیوی وکړي او ښارونه په منظمه توګه وده او پراختیا پیدا کړي.
