د پاکستان په خیر اباد کې د مېشت افغان کډوالو له استازو سره لیدنه وشوه
۱۴۴۶/۱۰/۲۱
د کور او ښار جوړولو وزارت محترم سرپرست وزیر الحاج شیخ حمدالله نعماني، په خپل کاري دفتر کې د پاکستان په خیر اباد کمپ کې د مېشت افغان کډوالو له محترمو استازو سره وکتل.
په دغه لیدنه کې، په پاکستان کې د مېشت افغان کډوالو د بېرته راتګ او دایمي مېشت کېدو په تړاو خبرې وشوې.
د خیر اباد کمپ کې مېشت د افغان کډوالو محترمو استازو خپلې ستونزې او غوښتنې له محترم وزیر سره شریکې کړې او د لازیاتې همکارۍ غوښتنه یې وکړه.
ښاغلي سرپرست وزیر راغلو استازو ته د ښه راغلاست ترڅنګ هېواد ته د بېرته راستنېدو په تړاو لازمې لارښوونې وکړې او دا چې کومې کورنۍ د یوې نمرې ځمکې د ورکړې مستحق دي.
نوموړي وویل، اسکان دایمي کمېټه چې د کور او ښار جوړولو وزارت یې مشري په غاړه لري، مسؤلیت لري چې په د بېرته راستنېدونکو افغان کډوالو لپاره د دایمي استوګنې زمینه برابره کړي، خو په خبره یې د کډوالو تثبیت او نورې چارې یې د محترم عالي کمېسون په غاړه دي.
ښاغلي نعماني زیاته کړه، اسکان دایمي کمېټه د لیست مطابق په اړوندو ولایتونو کې اړمنو کورنیو ته نمرې وېشي.
د کور او ښار جوړولو وزارت هڅې پیل کړي، چې د بېرته راستنېدونکو اړمنو کورنیو د دایمي مېشت کېدو په موخه د ټولو تخنیکي چارو د ترسره کېدو وروسته او د یو منظم پلان له مخې ځمکې نمره او ووېشي.
