د غزني ښار ستراتیژیک پلان له بیا کتنې وروسته تائید شو
۱۴۴۶/۱۱۰/۱۸
د کور او ښار جوړولو وزارت د ښاري چارو محترم مرستیال شیخ مدار علي کریمي بامیاني په خپل کاري دفتر کې د غزني ښار د محترم ښاروال محمد نبي حمزه، د غزني ولایت د کور او ښار جوړولو ریاست د محترم رئیس مولوي نور ولي بلال متقي او د کور او ښار جوړولو وزارت له یو شمیر رئیسانو سره وکتل.
په دې ناسته کې، د غزني ښار د ستراتیژیک پلان په تړاو خبرې وشوې او نظرونه شریک شول.
د غزني محترم ښاروال وویل، د کابل- غزني په عمومي سړک د تلخکزار دښته چې یوه با ارزښته سیمه ده، په اصلاحي ستراتیژیک پلان کې ځای ور کړل شوی دي.
په ورته وخت کې، د کور او ښار جوړولو وزارت د ښاري چارو محترم مرستیال شیخ مدار علي کریمي بامیاني د غزني ښار لپاره اصلاحي ستراتیژیک پلان مهم یاد کړ، هیله وښوده چې د دې پلان په عملي کولو سره به شته ستونزې حل شي.
د یادولو ده، چې د غزني ښار لپاره یاد پلان د کور او ښار جوړولو وزارت د عالي مقام په هدایت حوړ او د څو ځله بیا کتنې وروسته د ټاکل شوې کمیټې لخوا تائید شو.
