نیمروز ولایت کې د یوې پروژې له چارو څارنه وشوه
۱۴۴۶/۰۹/۰۳
نیمروز ولایت کې د کور او ښار جوړولو ریاست محترم رئیس مولوي عبدالجبار یاسیني وایي، د ریاست اړوند انجنیرانو یې دغه ولایت کې د ملګرو ملتونو عالي کمیسارۍ له پروژې څارنه وکړه.
ښاغلی مولوي یاسیني وایي، له دغه څارنې یې موخه په پروژه کې د معیار او کیفیت خوندیتوب و.
نوموړی وایي، یاده پروژه په دغه ولایت کې د ملګرو ملتونو عالي کمیسارۍ په داخل کې د یو مسجد شریف د ابادۍ چارې دي.
د هغه په خبره، دمګړۍ هلته د قالب تړلو، رینګ او د کانکرېټي چوکاټ (سلب) چارې روانې دي.
هلته قراردادي شرکت ته لازمې لارښوونې شوي چې، چارې د منل شوې نقشې مطابق سرته ورسوي او معیار په پام کې ونیسي.
