فاریاب ولایت کې د غیر پلاني سوداګریز مارکېت له جوړېدو مخنیوی وشو

18/7/1446
د کور او ښار جوړولو وزارت له ښاري تخلفاتو د مخنیوي ریاست محترم رئیس مولوي عبدالمنان حقاني وایي، د ریاست اړوند تخنیکي ټیم یې فاراب ولایت کې د یو غیر پلاني ودانیزې پروژې مخنیوی وکړ.
ښاغلی مولوي حقاني وایي، دغه پروژه په فاریاب ولایت کې یو سوداګریز مارکېټ دی، چې په خپل سر او له پلان خلاف یې چارې روانې وي، خو دوی یې مخنیوی وکړ.
نوموړی وایي، دغه مارکېټ د فاریاب مرکز میمنې ښار په دوهمه ناحیه کې په خپلسرې توګه جوړېده، چې ساحه په پلان کې استوګنیزه ده.
د یادولو وړ ده چې د یاد مارکېټ د جوړېدو له امله سړک ته هم زیان پېښ شو او مسؤلینو یې بې پروایي کړې ده.
د کور او ښار جوړولو وزارت هېچاته اجازه نه ورکوي چې ټولګټې پروژې تخریب او یا په خپل سر د پلان خلاف چارې سرته ورسوي.