د تخنیکي او مسلکي زده کړو ادارې او د پوهنې وزارت ترمنځ د ځمکې د برخلیک معلومولو په تړاو ناسته وشوه
۱۴۴۶/۰۷/۱۴
د کور او ښار جوړولو وزارت د محترم سرپرست وزیر الحاج شیخ حمدالله نعماني په مشرۍ او د کابل ښاروالۍ د محترم مرستیال مولوي سید عصمت الله عاصم، د پوهنې وزارت محترم مرستیال مولوي صبغت الله وصیل، د تخنیکي او مسلکي زده کړو ادارې محترم مرستیال مفتي فضل الرحمن فاضل او ځینو نورو اړوندو مسلکي کسانو برخه اخیستې وه.
دغه ناسته د ریاسة الوزرا محترم عالي مقام د لارښوونې پر بنست شوې وه، چې په کابل کې د پوهنې محترم وزارت او تخنیکي او مسلکي زده کړو محترمې ادارې ترمنځ د یو ملکیت برخلیک معلوم کړي.
په دغه لومړنۍ ناسته کې د دواړو لوریو خبرې او دلایل واورېدل شول، ځینې اسناد یې
وکتل شول.
د ناستې په پای کې طرفینو خپل معتبر اسناد د کمېټې مشر الحاج شیخ حمدالله نعماني ته وسپارل چې تر دقیقې مطالعې او څېړنې او دغه راز د ساحې تر کتلو وروسته به خپل نظر په لیکلې بڼه د ریاسة الوزرا محترم عالي مقام سره شریک کړي.
د کور او ښار جوړولو وزارت هڅه کوي چې له امارتي ځمکو اغېزمنه ګته پورته شي او حق حقدار ته وسپارل شي.
