غزني ولایت کې سلګونه جریبه ځمکه سروې شوه
۱۴۴۶/۷/۱
د کور او ښار جوړولو وزارت د سروې او جي ای، ایس ریاست محترم رئیس حافظ انجنیر محمد یو سف لطیف وایي، د ریاست اړوند تخنیکي او مسلکي ټیم یې غزني ولایت کې (500) جریبه ځمکه توپوګرافي سروې کړه.
ښاغلی انجنیر لطیف وایي، یاد ټیم یې دغه ځمکه د غزني ولایت مرکز په پس حصار ساحه کې توپوګرافي سروې کړه.
نوموړی وایي، له دغې سروې موخه دا وه، چې په یاده ساحه کې د شهیدانو او معلولینو ښارګوټي لپاره منظم تفصیلي پلان جوړ شي.
د کور او ښار جوړولو وزارت د سرپناه برابرولو برخو کې بې درېغه هڅې پیل کړي دي.
