فراه ولايت کې د یوې پروژې له چارو څارنه وشوه
1446/6/29
فراه ولایت کې د کور او ښار جوړولو ریاست محترم رئیس مولوي نصرالله استقلال وایي، د ریاست اړوند تخنیکي ټیم یې په دغه ولایت کې د لوړو زده کړو د یوې موسسې له چارو څارنه وکړه.
ښاغلی مولوي استقلال وایي، یاده چاره یې د فراه ولایت د محترم مقام د حکم پر بنسټ ترسره کړه.
نوموړی وایي، دمګړۍ هلته په ساحه کې د پذیرش او محافظینو د خونو لپاره د تهدابونو لپاره د ځمکې ژورولو، سپل او لیول چارې روانې دي.
هغه وایي، قرار دادي شرکت ته یې لارښوونه وکړه، چې د پروژې چارې د قرار داد پاڼې او منل شوې نقشې له مخې په معیاري ډول مخته یوسي.
د کور او ښار جوړولو وزارت هڅه کوي چې ودانیزې پروژې معیاري او د نقشې مطابق سرته ورسېږي.
