د دیپلوماتیک ښارګوټي توپوګرافي سروې وشوه
۱۴۴۶/۰۶/۱۴
د کور او ښار جوړولو وزارت د سروې او جي، ای، ایس ریاست محترم رئیس انجنیر قاري محمد یوسف لطیف وایي، د ریاست اړوند تخنیکي او مسلکي ټیم یې په کابل ولایت کې د دیپلوماتیک ښارګوټي جوړولو په موخه توپوګرافي سروې ترسره کړه.
ښاغلی انجنیر لطیف وایي، د سروې تخنیکي ټیم یې د کابل په دارالامان سیمه کې د بهرنیو چارو محترم وزارت له لوري د جوړېدونکي دیپلوماتیک ښارګوټي د ساحې توپوګرافي سروې وکړه.
نوموړی وایي، یاده سروې په دارالامان ساحه کې د (371.5) جریبه ځمکه وشوه، چې له مخې به یې نورې چارې تنظیم شي.
د کور او ښار جوړولو وزارت د بهرنیو چارو محترم وزارت په غوښتنه په یاده ساحه کې د بهرنیو دیپلوماتانو لپاره منظم ښارګوټی جوړوي.
