بدخشان ولایت کې د غیر قانوني کار مخنیوی وشو
۱۴۴۶/۰۶/۱۴
بدخشان ولایت کې د کور او ښار جوړولو ریاست محترم رئیس مولوي ولي الله الهي وایي، په ریاست کې موجود د ښاري تخلفاتو مخنیوي ټیم یې په یاد ولایت کې د غیر قانوني کار د ترسره کېدو مخالفت وکړ.
ښاغلی مولوي ولي الله الهي وایي، دغه غیر قانوني چاره د تېلو د یو پمپ سټېشن جوړول و، چې د بدخشان په مرکز فیض اباد کې جوړېده او دوی یې مخنیوی کړی دی.
نوموړی وایي، د یاد پمپ سټېشن مسؤل قانوني چارې نه وې ترسره کړې او په درې بسوې ځمکه کې چې زرغونه سیمه او د سیند حریم دی، غوښتل یې پمپ جوړ کړي.
د کور او ښار جوړولو وزارت په ټولو ولایتونو کې د زرغونو ساحو او د سیندونو له حریمونو په پلان کې ساتنه کوي او چاته اجازه نه ورکوي چې د پلان خلاف چارې ترسره کړي
