دوه ساحې په کابل کې د تېلو د پمپ سټېشنونو په موخه سروې شوې
۱۴۴۶/۰۶/۱۳
د کور او ښار جوړولو وزارت د سروې او جي ای، ایس ریاست محترم رئیس انجنیر قاري محمد یوسف لطیف وایي، د ریاست اړوند تخنیکي او مسلکي ټیم یې د کابل ولایت موسهي ولسوالۍ کې (1837.054) متره مربع ساحه او دغه راز د کابل مرکز هوایي ډګر هوا پېژندنې ساحه کې د یو بل پمپ سټېشن جوړولو په موخه (2275.311) متره مربع ساحه سروې کړه.
ښاغلی انجنیر لطیف وایي، دغه سروې د توپوګرافي سروې وه، چې په دواړو ځایونو کې د تېلو د یو - یو پمپ سټېشن د جوړولو په موخه ترسره شوه.
د کور او ښار جوړولو وزارت د سروې او جي ای ایس ریاست کار کوونکي په ټولو ولایتونو کې د اړوندو ځمکو په سروې اخته دي او دوام لري.
