په غزني ولایت کې د یو باب مسجد شریف له ودانیزو چارو څارنه وشوه
۱۴۴۶/۴/۱۲
د غزني ولایت د کور او ښار جوړولو ریاست محترم رئیس مولوي نور ولي بلال متقي وایي، د دې ریاست د انجنیرانو لخوا د یو باب مسجد شریف له ودانیزو چارو څارنه وشوه.
ښاغلي مولوي متقي وویل، د کابل ـ کندهار په لویه لار د آب بند ولسوالۍ اړوند د یو باب مسجد شریف د تهداب د خط اچونې، د منارو د کندنکارۍ او د احاطوي دیوال د پایو د خشتکارۍ له چارو څارنه وشوه.
د کور او ښار جوړولو وزارت مرکزي او ولایتي ټیمونه د پروژو له چارو څارنه کوي، تر څو پروژې په معیار برابرې سرته و رسیږي.
