په پکتیکا ولایت کې د روغتیایي کلینیک له ودانیزو چارو څارنه وشوه
۱۴۴۶/۲/۲۴
د پکتیکا ولایت د کور او ښار جوړولو ریاست محترم رئیس مولوي محمد طاهر سیف الجهاد وایي، د دې ریاست د تخنیکي ټیم لخوا په مرکز ښرنه کې د روغتیایي کلینیک له ودانیزو چارو څارنه تر سره شوه.
ښاغلي مولوي سیف الجهاد وویل، د یادې پروژې د ترسره شوو چارو په دوام د یادې پروژی د احاطې دیوال په سر د رینګ بیمونو سیخبندي او د بیمونو کانکریټ اچونه د میکسر څخه په استفادې په مکمله توګه ترسره شوې او د جومات د احاطې د ننې برخې پرانه دوام لري.
د نوموړي په خبره، د کور او ښار جوړولو ریاست ټخنیکي ټيم د یادې پروژې ساحوي انجینر ته خپلې لازمې سپارښتنې وکړي تر څو د احاطې د دیوال مکمله هنګاف کاري، په دیوالونو کې د اولې درجې خښتې کارول او د جومات د مختلفو عناصرو لپاره د کانکريټو جوړول د میکسر په ذریعه وکړي.
د کور او ښار جوړولو وزارت تخنیکي ټیمونه د پروژو له چارو څارنه کوي تر څو چارې په انجنیري معیارونو برابرې تر سره شي.
