د نیمروز ولایت په زرنج ښار کې د ښاري تخلفاتو مخنیوی وشو
۱۴۴۶/۱/۲۴
د نیمروز ولایت د کور او ښار جوړولو محترم رئیس مولوي عبدالجبار یاسیني وایي، د دې ریاست تخنیکي ټیم په زرنج ښار کې د څو ودانیو له ودانیزو چارو څارنه وکړه..
د ښاغلي یاسیني په خبره، د زرنج ښار له هغو ودانیو له مالکینو وغوښتل شول چې د خپلو ملکیتونو د ودانیزو چارو لپاره یې جوازونه نه ول تر لاسه کړي د کور او ښار جوړولو ریاست ته ولاړ شي تر څو د نقشې تائیدي تر لاسه کړي.
د کور او ښار جوړولو وزارت تخنیکي ټیمونه په مرکز او ولایتونو کې له ودانیزو پروژو څارنه کوي، تر څو ودانیزې چارې د پلان مطابق په معیار برابرې تر سره شي.
