د پکتیکا په زرغون شهر ولسوالۍ کې تفریحي پارک جوړېږي
۱۴۴۶/۰۱/۱۱
پکتیکا ولایت کې د کور او ښار جوړولو ریاست محترم رئیس مولوي محمد طاهر سیف الجهاد وایي، تخنیکي او مسلکي ټیم یې د دغه ولایت د زرغون شهر ولسوالۍ د محترمې ښاروالۍ په وړاندیز او د ولایت محترم مقام د حکم پر بنسټ یاده ولسوالۍ کې سروې وکړه.
ښاغلی مولوي محمد طاهر سیف الجهاد وایي، انجنیرانو یې په زرغونشهر ولسوالۍ کې د یادې ولسوالۍ د محترم ښاروال او د تعیین شویو هیئتانو په شتون کې د نوي جوړیدنکي پارک لپاره خپل مسؤلیت ترسره کړ.
د هغه په خبره، دغه مسؤلیت په یاده ولسوالۍ کې د تفریحي پارک جوړېدو په موخه د ساحې د کروکۍ چمتو کولو لپاره د یادې ساحې توپوګرافي سروې وه، چې ترسره شوه.
د کور او ښار جوړولو وزارت په پلازمېنه کابل او ولایتونو کې د نويو جوړېدونکو ودانیزو پروژو لپاره د ساحو کروکي او سروې ترسره کوي.
