بامیان ولایت کې د څو پروژو سروې او براورد ترسره شو
۱۴۴۶/۰۱/۰۷
بامیان ولایت کې د کور او ښار جوړولو ریاست محترم رئیس انجنیر امان الله امان وایي، تخنیکي ټیم یې په دغه ولایت کې د ښاروالۍ په غوښتنه د افغان پوست اړوند اداري تعمیر سکېچ ترسره کړ.
ښاغلی انجنیر امان الله امان وایي، د یادې ښاروالۍ د غوښتنې پر بنسټ یې تخنیکي ټیم د ځینو نورو ادارو د استازو په شتون کې د دشت عیسی خان په نوي ښارګوټي کې د فاضله اوبو سیستم، اوبو رسولو سیستم، د مارکېټونو ترمنځ د غځېدلو سړک فرشونو، ویالو او د سوداګریزو مارکېټونو ترمنځ د سړک جغل اچولو برخو کې سورې، طرحه، ډیزاین او لومړنی براورد ترسره چارې روانې کړي دي.
نوموړی وایي، دمګړۍ یادې چارې شاوخوا ۳۵ سلنه پر مخ تللي چې ډېر ژر به بشپړې شي.
د کور او ښار جوړولو وزارت د پروژو سروې، براورد، ډیزاین او سکېچ ترسره کوي، تر څو د پروژو د تطبیق لپاره ښه زمینه برابره شي.
