غزني ښار کې د څلویښت متره سړک د کربونو د رنګمالۍ له چارو ليدنه وشوه
۱۴۴۵/۱۲/۲۷
د کور او ښار جوړولو وزارت د هېواد په کچه د ابادۍ او پرمختګ لپاره پلانونه چمتو کوي او د تطبیق لپاره یې اړوندو ادارو ته سپاري.
دغه وزارت هڅې پیل کړي چې ټولې د ابادۍ چارې د پلان سره سمې پر مخ لاړې شي او د هېوادوالو د ارامۍ او سوکالۍ لامل وګرځي.
په همدې لړ کې، غزني ولایت کې د کور او ښار جوړولو ریاست محترم رئیس مولوي نور ولي بلال متقي وایي، د ریاست اړوند تخنیکي ټیم یې د دغه ولایت په مرکز کې د څلوېښت متره سړک د کربونو د رنګمالۍ له چارو ليدنه وکړه.
نوموړی وایي، د ياد تخنيکي ټيم له خوا قراردادي شرکت ته د کارونو د لا ښه والي په موخه لازمې لارښوونې وشوې.
د کور او ښار جوړولو وزارت د پروژو پلي کوونکو لوریو ته تل لازمې مشورې او لارښوونې کوي، تر څو ورسپارل شوې دندې په سمه توګه سرته ورسوي.
