شیخ حمدالله نعماني رهبرۍ پراختیا او مدیریتي کاریدونکو مهارتونو پروګرام کې ګډون وکړ
1445/11/9
دکور او ښار جوړولو وزارت محترم سرپرست وزیر شیخ حمدالله نعماني د اداري اصلاحاتو او ملکي خدمتونو ادارې له لوري د رهبرۍ پراختيا او مديريتي کارېدونکو مهارتونو زده کړييز پروګرام پای غونډه کې ګډون وکړ.
د کور او ښار جوړولوسرپرست وزير شيخ حمدالله نعماني د رهبري او مدیریت مهارتونو د پراختیا زدهکړییز پروګرام کې وویل، چې ژمنتیا او تخصص د مديريت لپاره اساسي شرطونه دي.
نوموړي زياته کړه له تخصص او مهارتونو سره سره بايد مسؤلين او کارکوونکي تواضع او اخلاص ولري، له کبر څخه ځان وساتي او په ټولو چارو کې د الله تعالی رضا په نظر کې ونيسي.
په دې غونډه کې د اداري اصلاحاتو او ملکي خدمتونو رئيس مفتي شهزادنور راشد وويل؛ په داسې روزنيزو پروګرامونو کې امارتي کارکوونکي د مديريت او رهبرۍ په برخه کې د زده کړيو مهارتونو په اساس د ادارو مديريت په ښه توګه ترسره کوي چې په حکومتولۍ کې ګټور ثابتيږي.
همدا راز د غونډې ویناوالو په حکومتولۍ کې د رهبرۍ او مديريت په اړه هر اړخيزې ويناوې وکړي او د کارکوونکو او مسؤلينو لپاره يې په دې برخه کې د زده کړیيزو پروګرامونو جوړښت اړين وباله.
د اداري اصلاحاتو او ملکي خدمتونو ادارې د مسؤلينو په وينا د رهبرۍ پراختيا او مديريتي کارېدونکو مهارتونو زده کړه ييز پروګرام په دوو دورو کې د بېلابېلو وزارتونو او ادارو ۳۲۴ تنه کارکوونکو ته روزنه ورکړل شوې ده.
