د کابل په اولسمه ناحیه کې د جهان پارک په اړه ناسته وشوه
۱۴۴۵/۹/۱۰
د کوراو ښار جوړولو وزارت د محترم سرپرست وزیر شیخ حمدالله نعماني په مشرۍ د کابل ښاروالۍ، کرنې وزارت، چاپیریال ساتنې ادارې، اوبو رسونې او اطلاعات او فرهنګ استازو ناسته وکړه.
په یاده ناسته کې، د کابل ښار په اولسمه ناحیه کې د جهان پارک په اړه بحث وشو.
د کور او ښار جوړولو وزارت سرپرست وزیر د کابل ښاروالۍ او د کرنې وزارت اراضۍ برخې ته دنده وسپارله، تر څو د ځمکې د مالکیت او انتقال په اړه معلومات ترلاسه کړي او بیا دې یې په راتلونکې ناسته کې شریک کړي.
دغه راز، د کور او ښار جوړولو وزارت مسؤلو کسانو ته دنده وسپارل شوه چې د پلان له مخې ساحه وګوري که چې تعدیل ته اړتیا لري او که نه.
د پورته معلوماتو ترلاسه کېدو وروسته به په راتلونکې ناسته کې هر د اوبو او برېشنا وزارت د استازو له نظر سره هر اړخیز راپور د ا.ا.ا له اقتصادي کمېسیون سره شریک شي. چې په اړه یې لازم تصمیم ونیسي.
جهان پارک د خصوصي سکتور له خوا د کابل ښار په اولسمه ناحیې د خیرخانې په سیمه کې په ۱۵۰ جریبه خمکه کې جوړیږي.
