غزني کې د صنعتي پارکونو له وضعیت څارنه وشوه
۱۴۴۵/۰۸/۱۵
په غزني ولایت کې د کور او ښار جوړولو محترم رئیس مولوي نور ولي بلال متقي وایي، د ریاست اړوند انجنیر یې د دغه ولایت په اسفنده او تلخاکزار سیمو کې د صنعتي پارکونو له وضعیت څارنه وکړه.
د هغه په خبره، په دغه لیدنه کې چې د صنعت او سوداګرۍ ریاست په مشوره ترسره شوه په صنعتي پارکونو کې لوحه هم نصب شوه.
دغه راز، په غزني ولایت کې د اول پلان سینما په ساحه کې د هوانوردۍ ریاست اړوند ملکیت د کروکي او سکېج اندازه واخیسته.
د غزني ولایت د کور او ښار جوړولو ریاست د فعالیتونو په لړ کې، د یاد ولایت د امنیې قوماندانۍ د محترم مقام په غوښتنه د دوهمې امنیتي حوزې اړوند ساحې د معلومولو په موخه لومړنۍ سروې ترسره او د (جي، پي، ایس) نښې واخیستل شوې.
ورپسې، د غزني ولایت په اول پلان سیمه کې د یوې هټۍ لپاره د قبالې، سکېچ او کروکي لپاره لومړنۍ سروې ترسره او مالک ته یې تسلیم شوه.
د کور او ښار جوړولو وزارت په مرکز او ولایتونو کې د دولتي او شخصي ملکیتونو سکېچ، کروکي او سروې ترسره کوي، له رغنیزو چارو څارنه کوي او د پلان او نقشې مطابق وده او پراختیا رامنځته کوي.
