د جوزجان په قوش تپې ولسوالۍ کې د یوه مسجد له رغنیزو چارو څارنه وشوه
۱۴۴۵/۷/۱۸
د جوزجان ولایت د کور او ښار جوړولو محترم رئیس ملا عبدالله فیضان وايي، د کور او ښار جوړولو ریاست په ګډون د یو ټاکل شوي هیئت له لوري د دغه ولایت د قوش تپې ولسوالۍ په ګردن کلي کې د یوه مسجد شریف له رغنیزو چارو څارنه وشوه.
نوموړی وایي، د یاد مسجد شریف ټولې رغنیزې چارې په دقیقه توګه وڅېړل شوې، د سیمې مخورو او دیني عالمانو سره مشورې وشوې او قراردادي شرکت ته لازمې سپارښتنې وشوې تر څو د مسجد شریف چارې د نقشې او انجنیرۍ اصولو مطابق مخته ولاړې شي.
د کور او ښار جوړولو وزارت مرکزي او ولایتي انجنیران د پروژو قراردادي شرکتونو ته لازمې سپارښتنې کوي، چې د پروژو چارې د شرطپاڼې او انجنیري اصولو مطابق ترسره کړي.
