د چخانسور ولسوالۍ کې د یو پُل له رغنیزو چارو بررسي وشوه
۱۴۴۵/۰۷/۱۶
نیمروز ولایت کې د کور او ښار جوړولو محترم رئیس مولوي عبدالجبار یاسیني وایي، د ریاست تخنیکي ټیم یې د دغه ولایت په چخانسور ولسوالۍ کې د یوه پُل د کانکرېټ اچولو له چارو بررسي وکړه.
ټاکل شوې، دغه پُل د شل متره په اوږدوالي جوړ شي، چې اوسمهال یې لومړنۍ چارې روانې دي.
په یاده بررسۍ کې د پُل له سیخ تړلو، سپل او کانکرېټ له چارو تخنیکي ازمایښت ترسره شو او د معیارونو د تطبیق په موخه د شرطپاڼې سره سم لارښوونې ترسره شوې.
د کور او ښار جوړولو وزارت پعه مرکز او ولایتونو کې له رغنیزو پروژو څارنه کوي او د کیفیت او معیار خوندیتوب برخه کې یې ډاډ ترلاسه کوي.
