د کور او ښار جوړولو وزارت د عامه اړیکو د ریاست خپرنیز طرزالعمل وڅېړل شو
۱۴۴۵/۵/۲۹
د کور او ښار جوړولووزارت د عامه اړیکو د ریاست خپرنیزه کړنلاره یا طرزالعمل د دې وزارت د ښاري چارو د محترم مرستیال شیخ مدارعلي کریمي بامیاني په مشرۍ د تقنیني اسنادو د پړاونو بشپړولو او بیا کتنې د کمیټې له لوري و څېړل شو.
د کور او ښار جوړولو وزارت د عامه اړیکو مسؤل محترم محمد کمال افغان وویل، یاده خپرنیزه کړنلاره یې د ا.ا.ا عمومي نشراتي پالیسۍ او د کور او ښار جوړولو وزارت د محترم مقام د حکم پر اساس د ګټورو او منظمو کړنو په موخه چمتو کړې ده.
نوموړي وویل، د دې طرزالعمل له جوړولو یې موخه دا ده، تر څو خلکو ته د وزارت اړوند فعالیتونو، لاسته راوړنو پراختیایي پلانونو او عامه خدماتو په اړه معلومات ورکړل شي، روڼتیا او حساب ورکول رامنځته شي او خلک معلوماتو ته لاسرسی پیدا کړي.
ښاغلي محمد کمال افغان زیاته کړه، په دې خپرنیزه کړنلاره کې د کار کونکو کاري استقامت تنظیم شوی، چې له مخې به یې لازمه همغږي را منځته شي او تمه ده چې له کبله به یې چارې ګړندۍ، رڼې او لا منظمې شي.
ورپسې، د تقنیني اسنادو د طی مراحل او بیا کتنې د کمیټې مشرتابه او غړو خپلې مثبتې ارزونې وړاندې کړې او تر څنګ یې په ځینو برخو کې لازمې لارښوونې هم وکړې.
د کور او ښار جوړولو وزارت د ښاري چارو محترم مرستیال شیخ مدارعلي کریمي بامیاني وویل، یاد طرزالعمل کې مهم او با ارزښته موارد ذکر شوي، چې په وینا یې مثبتې پایلې به ولري.
د یادولو وړ ده، چې دغه خپرنیزه کړنلاره په څلورو څپرکیو او شل مادو کې جوړه شوې، چې د څېړنې او لا غني کېدا په موخه د تقنیني اسنادو د پړاونو بشپړولو او بیا کتنې کمېټې ته وړاندې شوه.
دغه راز، په یاده ناسته کې، د ساختماني او ښاري تخلفاتو مخنیوي په اړه هم خبرې وشوې او اړوندو مسؤلینو یې په تړاو خپل نظریات شریک کړل.
_____________________
د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️
WhatsApp:
https://chat.whatsapp.com/FnOgiA7hU1H3y1w3FrV0uh
Malgari:
https://www.malgari.com/?cache=1673066126#
YouTube channel:
Tel:
Web:
FB page:
https://www.facebook.com/profile.php?id=100087195086592
نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.
