بهرنیو پانګوالو د پانګونې په موخه له کور او ښار جوړولو وزارت څخه د ځمکې غوښتنه وکړه

۱۴۴۴/۰۷/۳۰

د کور او ښار جوړولو وزارت محترم سرپرست وزیر شیخ حمدالله نعماني په خپل دفتر کې د ترکیې هېواد د پانګوالو له ډلې د (۷۷) ساختماني شرکت له استازو سره وکتل او په یو شمېر مهمو موضوعاتو یې خبرې اترې وکړې.

د ترکي پانګوالو له ډلې ښاغلي براق انسال چې د (۷۷) ساختماني شرکت مرستیال دی د کابل دهسبز سیمې د پېروزي هستوګنیز ښارګوټي په شمالي برخه کې په صنایع سبز صنعتي ښارګوټي کې پانګونه کړې، چې اوسمهال د لا زیاتې پانګونې په موخه د اضافي ځمکې د ورکړې غوښتنه کوي.

په دغه ناسته کې د کور او ښار جوړولو وزارت محترم سرپرست وزیر شیخ حمدالله نعماني راغلو پانګوالو ته د امکان تر بریده د هغوی د ستونزو د حل خبره وکړه او زیاته یې کړه، چې دمګړۍ په سلګونه کورني (افغان) پانګوالو غوښتنه کړې، چې د تولیدي فابریکو جوړولو په موخه دې ورته ځمکه ځانګړې شي.

محترم وزیر شیخ حمدالله نعماني وایي، په پام کې لري او هڅې یې روانې کړي، چې ټولو کورنیو او بهرنیو پانګوالو ته په مناسبو شرایطو د پانګونې په موخه ځمکه ورکړي.

بهرني او کورني پانګوال چې غوښتنلیکونه یې د کور او ښار جوړولو وزارت ته سپارلي، هوډ لري افغانستان کې پانګونه وکړي او بېلا بېل د اړتیا وړ توکي تولید کړي.

محترم شیخ حمدالله نعماني، ټولو پانګوالو ته ډاډ ورکوي، چې د شته ستونزو په حل کې به یې کوټلي ګامونه پورته کړي او داسې مناسبه فضاء او زمینه به ورته برابره کړي، چې په افغانستان کې به له پانګونې خوند واخلي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

پته: دریم مکروریان، ازادي مطبعه ته مخامخ، د کور او ښار جوړولو وزارت.