په تخار کې د درې سوه کورونو، جوماتونو او نورو اړوندو ځایونو لپاره نقشه جوړه شوه
![picture](/sites/default/files/2022-10/whatsapp_image_2022-10-31_at_2.11.34_pm.jpeg)
۱۴۴۴/۰۴/۰۵
د ا.ا.ا مسؤلینو د تخار ولايت د خواجه بهاوالدين ولسوالۍ په مهاجر قچلاق سيمه کې د پښتنو، تاجکو او ازبکو هېوادوالو تر منځ د شخړې د هوارولو لپاره اساسي حل پیدا کړ.
هلته په کورونو کې مېشتو کورنيو ته چې شاوخوا (۱۲۰) کورنۍ دي د هغوی د غوښتنې سره سم ورته د ۳۰۰ کورونو، جوماتونو، عيدګا، ښوونځي، کلينيک او مدرسو تر څنګ د يو تعداد دوکانونو نقشه د ښار جوړولو رياست له خوا ډيزان شوې او د منظم پلان او طرزالعمل له مخې به توزيع شي.
د مهاجر قچلاق کلي اصلي مالکانو ته به خپل کورونه سپارل کيږي او اوسني اوسيدونکو ته يې د ا.ا د مشرتابه له خوا د ولسوالۍ بازار په دوه کيلومترۍ کې هواره او مناسبه ځمکه د يوې ځانګړې نقشې او طرزالعمل له مخې ورکول کېږي.