د کور او ښار جوړولو وزارت سرپرست په افغاني دستګاه کې د دغه وزارت له ریاستونو او دفترونو لیدنه وکړه
![picture](/sites/default/files/2022-10/whatsapp_image_2022-10-16_at_10.25.29_am.jpeg)
۱۴۴۴/۰۳/۲۰
د کور او ښار جوړولو وزارت محترم سرپرست مولوي حمدالله نعماني د یو شمېر رئیسانو په ملتیا په افغاني دستګاه کې د دغه وزارت د ریاستونو او دفترونو د چارو ښه کېدو او د ستونزو د حل په موخه لیدنه وکړه.
په دغه لیدنه کې د کور او ښار جوړولو وزارت اړوند ریاستونو کارکوونکو خپلې ستونزې، نظریات او وړاندیزونه د یاد وزارت له سرپرست مولوي حمدالله نعماني سره شریک کړل.
د کور او ښار جوړولو وزارت محترم سرپرست مولوي حمدالله نعماني ډاډ ورکړ، چې ستونزې به یې ډېر ژر حل شي او په دې اړه یې اړوندو مسؤلینو ته لازمې لارښوونې وکړې.
په دغه لیدنه کې د ځینو پروژو له وسایلو او اسنادو هم لیدنه وشوه، چې څنګه کېدای شي خوندي وساتل شي او په راتلونکي کې ترې ګټه پورته شي.