د ننګرهار ولایت د قيام الدين خادم د استوګنې سيمې زيربنايي پلانونه منظور شو.
14/02/1444
د ښار جوړولو او ځمکو وزارت سرپرست وزیر محترم مولوي حمدالله نعماني د ننګرهار پوهنتون د استادانو لپاره د قيام الدين خادم د ښارګوټي د استوګنې سيمو د اوبو رسولو او فاضله اوبو دشبکې د لا ښه والي لپاره پلان منظور کړل.
د ښار جوړولو او ځمکو وزارت سرپرست د دغو پلانونو لاسلیک کول، په هېواد کې د عامه ګټو د پروژو د تطبیق په لاره کې یو پرمختللي ګام وباله او د پراختیايي پروژو په تطبیق او هېوادوالو ته یې د اساسي خدمتونو په وړاندې کولو باندې ټینګار وکړ.
د ننګرهار پوهنتون د استادانو لپاره د قيام الدين خادم د استوګنې ښارګوټي چې په ۲۵ جريبه ځمکه کې جوړېږي، چې شا او خوا ۵۰۰ د استوګنې نمرې لري.
په دغه ښارګوټي کې جوماتونه، ښوونځي، روغتيايي کلينيکونه، وړکتونونه، تفريحي او سپورتي ځايونه، شنې ساحې، مارکېټونه او نور ضروري ملحقات او اسانتياوې شته چې د اړتيا وړ فعاليتونه ترسره کړي.
