دښار جوړولو او ځمکو وزارت سرپرست د هرات ولایت د اوو ناحیو د بیا رغونې پلانونه لاسلیک کړل
1444/1/15
د ښار جوړولو او ځمکو محترم سر پرست وزیر مولوي حمدالله نعماني د هرات ولایت د اوو ناحیو(۱-۷) د بیا رغونې پلانونه لاسلیک کړل.
یاد پلانونه د هرات ولایت د ښار جوړولو ریاست، د هرات ښاروالۍ، پوهنتون او نورو اړوندو ادارو د ښار جوړولو او ځمکو وزارت د بهسازۍ ریاست تر څار لاندې ترتیب کړل.
د دغو پلانونو په جوړولو کې د هرات ولایت د ټولو اړونده بنسټونو نظریات، وړاندیزونه او اړتیاوې په پام کې نیول شوې دي.
د هرات د اوو ناحیو د بیا رغونې پلانونه په علمي او معیاري توګه جوړ شوي او دا لومړی ځل دی چې په افغانستان کې د څو بېلا بېلو بنسټونو د متخصصینو لخوا د هرات ولایت د ناحیوو لپاره د بیارغونې پلانونه جوړیږي.
د ښار جوړولو او ځمکو محترم سرپرست وزیر د هرات ولایت د اوو ناحیو د بیا رغونې لپاره د متخصصینو د پلانونو هر کلی وکړ او دغه شان پلانونه یې د هرات ښار د پراختیا او ښه والي لپاره مهم وګنل.
د یادونې وړ ده چې د هرات ولایت 15 ناحیې لري او په اتو نورو ناحیو کې یې کار روان دی چې په نږدې راتلونکي کې به بشپړ شي.
