د خوست او پکتیکا د زلزله ځپلو لپاره د لنډ مهاله کورونو مفکوره یي طرحه وړاندې شوه
۱۴۴۴/۰۱/۰۹
د مسکن چارو رییس محترم سید عثمان سادات او د املاک او اسکان محترم سرپرست احمد نوید افندي د خوست او پکتیکا زلزله ځپلو لپاره د لنډ مهاله کورونو جوړولو مفکوره یي طرحه د ښار جوړولو او ځمکو محترم سرپرست وزیر مولوي حمدالله نعماني ته وړاندې کړه.
د مسکن چارو ښاغلي رییس وویل، په دغه طرحه کې ټولنیز مسایل، د هېواداقتصادي او اقلیمي وضعیت او نورې برخې په پام کې نیول شوي چې په نسبتاً کم لګښت د زلزله ځپلو لپاره لنډ مهالي کورونه جوړ شي.
دواړو رییسانو د لنډ مهاله کورونو زیانونه او ګټې هم روښانه کړې او زیاته یې کړه چې د خلکو لپاره په کم لګښت د چټکې سرپناه برابرولو لپاره فلزي طرحه په اوس کې ګټوره ده.
د ښار جوړولو او ځمکو وزارت سرپرست مولوي حمدالله نعماني له دواړو د مننې ترڅنګ یادونه وکړه چې زلزله ځپلي بېړنیو او مثبت اغېزو مرستو ته اړتیا لري او د ښار جوړولو او ځمکو وزارت باید دا چارې ترسره کړي.
محترم مولوي حمدالله نعماني زیاته کړه چې یاده طرحه به له مسؤلینو سره شریکه کړي.
