د هېوادوالو د ستونزو حل د ښار جوړولو او ځمکو وزارت لومړیتوب دی
۱۴۴۳/۱۲/۲۰
د ښار جوړولو او ځمکو وزارت محترم سرپرست وزیر مولوي حمدالله نعماني له یو شمېر هغه راغلو هېوادوالو سره وکتل، چې د ستونزو د حل په موخه وزارت ته راغلي وو.
له بیلا بیلو ولایتونو راغلو هېوادوالو په خپلو سیمو کې د ښاري وضعیت، ځمکو، قبالو او نورو ښاري ستونزو په اړه خبرې وکړې او د وزارت له رهبرۍ څخه یې د همکارۍ غوښتنه وکړه.
د ښار جوړولو او ځمکو وزارت محترم وزیر مولوي حمدالله نعماني د وزارت کارکوونکو ته د چارو پر چتکتیا ټینګار وکړ او راغلو هېوادوالو ته یې ډاډ ورکړ چې چارو ته به یې پر وخت رسېدنه کېږي.
ښاغلي مولوي حمدالله نعماني زیاته کړه چې د هېوادوالو د ستونزو حل د وزارت له لومړیتوبونو څخه دی او دوی خپلو ژمنو ته وفادار دي.
