په لوګر ولایت کې د ساختماني پروژو له چارو په دوامداره توګه څارنه کېږي
۱۴۴۳/۱۰/۱۱
په لوګر ولایت کې د ښار جوړولو او ځمکو ریاست په دغه ولایت کې له (۱۲) ودانیزو پروژو څخه په دوامداره توګه لیدنه او څارنه کوي.
د لوګر د ښار جوړولو او ځمکو ریاست وایي، په تېر کال کې د لوګر په محمدآغه ولسوالۍ کې د کرکټ لوبې یو لوبغالي جوړښت، محمد آغه ولسوالۍ کې د اصحاب بابا ښارګوټي کې د (۵۰۰) کسیز جامع جومات، د همدې ولسوالۍ سپین جومات، د ازرې ولسوالۍ د امروت مسجد، د ازرې ولسوالۍ د منګلو سیمه ییز کلینیک، د بره کي برک ولسوالۍ عیدګاه مسجد، په مرکز پل علم کې د المنور جومات، په عمر اباد کلي کې د محمد اکبر ستانکزي جامع جومات، په مرکز پل علم کې د څارنوالۍ ریاست اداري ودانۍ، د ازرې ولسوالۍ لس ټولګیزه دیني مدرسه او یو شمېر نورې هغه پروژې چې په لوګر ولایت کې پلې شوي، ترې څارنه او پالنه شوې ده.
د ښار جوړولو او ځمکو وزارت د اړوندو پروژو او تاسیساتو څخه د نقشو مطابق او د قبول شوو ځانګړتیاوو سربېره د ودانیو معیاري او اساسي جوړښتونو ته په کتو لیدنه او څارنه کوي.
