د ښار جوړولو او ځمکو وزارت سرپرست په دغه وزارت کې څو نهاله ونې کېنولې
۱۴۴۳/۰۸/۲۸
د ښار جوړولو او ځمکو وزارت سرپرست محترم مولوي حمد الله نعماني د ونو کېنولو په پروګرام کې ونډه واخیسته او د زرغون چاپېریال رامنځته کولو په موخه یې د وزارت په ودانۍ کې څو نهاله ونې کېنولې.
ښاغلي مولوي حمد الله نعماني هیله څرګنده کړه چې نور هېوادوال به هم د ونو او نیالګیو په کېنولو کې ونډه واخلي او د هېواد زرغونتیا په موخه او له هغې څخه د څارنې او پالنې لپاره به کوټلي ګامونه پورته کړي.
د ښار جوړولو او ځمکو وزارت د سکتوري بنسټ په توګه د چاپېریال سالم ساتلو په موخه سرسبزي او زرغونتیا په خپلو ټولو پروژو کې په پام کې نیولې ده.
او هڅې کوي چې یو زرغون، ښېرازه او پرمختللی هېواد رامنځته شي.
