د ښار جوړولو او ځمکو وزارت محترم مالي او اداري مرستیال له یو شمېر رییسانو سره وکتل
۱۴۰۱/۰۱/۰۶
د ښار جوړولو او ځمکو وزارت محترم مالي او اداري مرستیال حافظ محمد امین صاحب په خپل کاري دفتر کې له اداري، تدارکاتو، بشري سرچینو، ټکنالوجۍ او مالي ریاستونو له مسؤلینو سره وکتل او پر یو شمېر مهمو موضوعاتو یې بحثونه وکړل.
لومړی د یادو ریاستونو مسؤلینو هر یو د خپل ریاست اړوند کاري استقامت او لاسته راوړنې له ښاغلي حافظ صاحب سره شریکې کړې او ورپسې یې د خپلو ریاستونو اړوند ستونزې او ننګونې په ګوته کړې چې په اړه یې د حل غوښتنې وکړې.
ورپسې د ښار جوړولو او ځمکو وزارت محترم مرستیال د شته ستونزو د حل لپاره لازمې لارښوونې وکړې او ټینګار یې وکړ چې باید په وزارت کې له کاغذپرانۍ مخنیوی وشي، د خلکو ستونزې پر وخت حل شي، کار اهل کار ته وسپارل شي، په چارو کې شفافیت موجود وي او ټول دې هڅه وکړي چې چاري معیاري او په اصولو برابر مخته یوسي.
د ناستې په پای کې ټولو ژمنه وکړه چې خپلې اړوند چارې به په پوره مسؤلیت، شفافیت او صداقت پر مخ بیایي.
