د ښار جوړولو او ځمکو وزارت ښاغلي سرپرست مولوي حمد الله نعماني د هوت خېلو د قوم له مشرانو او مخورو سره وکتل
د ښار جوړولو او ځمکو وزارت ښاغلي سرپرست مولوي حمد الله نعماني په خپل کاري دفتر کې د هوتخېلو د قوم له مشرانو او مخورو سره وکتل او د هوت خېلو د قوم د ستونزو د حل په اړه یې بشپړې خبرې وکړې.
د هوت خېلو د قوم مشرانو په خپله سیمه کې د یوې اندازه ځمکې پر سر د راپورته شوي جنجال په اړه خپلې اندېښنې او غوښتنې له وزارت سره شریکې کړې او د حل په موخه یې غوښتنه وکړه چې د ښار جوړولو او ځمکو وزارت دې اقدام وکړي.
د ښار جوړولو او ځمکو وزارت ښاغلي سرپرست مولوي حمد الله نعماني د یادو مشرانو ټولې خبرې واورېدې او د حل په موخه یې ورته لازمې لارښوونې وکړې.
د خلکو ستونزو د حل برخه کې اقدامات او د ځمکو برخه کې د شخړو حل د وزارت له لومړیتوبونو څخه دي.
